De los
artesanos que trabayaben pol barrio, a los neños, quiciavis el que más nos
llamaba l’atención, yera Santos Roldán, “El Ganso”. El Ganso tenía un tallerucu
de reparación de bicicletes y amás tenía bicis pa alquilar, algunes d’elles
mítiques: cola Ramper deprendimos tolos neños de la redolada a imitar a
Bahamontes y Loroño, lluego, cuando díbemos soltándonos, pasábemos a La
Negra y depués ya veníen les que teníen manillar de carrera y les que
teníen cambio y…
Como
siempre andábemos mal de perres, les ganes de andar en bici nun yera llabor
cenciellu de fartucar y tener bici propia yera un suañu inalgamable, la única manera de sacar les ganes, nun yera otra que alquilar, si ye que queríes emular a los xigantes de la ruta, que se dicía. Una de les maneres de
conseguir la pesetina que facía falta pa alquilar, yera rondar por cerca del
taller, y aprovechar cuando algunu de los que había alquilao tenía que devolver
la bici. Si la hubiere estropiáo, en dalguna cayida o en cualquier pequeñu
accidente, cosa que nun yera na raro, porque les bicis yeren vieyes, vieyes, el pánico de tener que lleváila al Ganso rota, facía que estuviere
dispuestu a pagar a quien se atreviere a entregala.
La operación tenía los sos pelligros. Garrabes la bici y desde la entrada del portal, Santos tenía el taller nel patio de la parte atrás, berrabes, ¡Ganso! ¡Ganso! Mira, tráigote esta bici ¡Oye! Nun te la alquilé yo ¡He! Taba ahí tirada y tráigotela porque sé que ye tuya. El Ganso poníase fechu una furia, tirábate lo que tuviera nes manes, la llave inglesa, un martiellu, lo que fuera ¡La madre que vos parió! ¡Como garre al fiu puta! Tú, como ya esperabes la que diba venir, dexabes pasar la nube y cuando aselaba, alquilabes la bici cola pesetina del encargu, eso si, rezando pa que nun rompiera un freno o cualquier otra pieza mientres facíes diablures con ella. Porque nun dibes alquilar pa dar paseinos como una neña, y si, en medio les grandes exibiciones ciclistes, rompíes dalguna pieza ¿De onde dibes sacar tú la peseta, pa pagá-y a otru, pa nun tener que devolvéila tú al Ganso, que sabíes que te diba baldar a palos.
La operación tenía los sos pelligros. Garrabes la bici y desde la entrada del portal, Santos tenía el taller nel patio de la parte atrás, berrabes, ¡Ganso! ¡Ganso! Mira, tráigote esta bici ¡Oye! Nun te la alquilé yo ¡He! Taba ahí tirada y tráigotela porque sé que ye tuya. El Ganso poníase fechu una furia, tirábate lo que tuviera nes manes, la llave inglesa, un martiellu, lo que fuera ¡La madre que vos parió! ¡Como garre al fiu puta! Tú, como ya esperabes la que diba venir, dexabes pasar la nube y cuando aselaba, alquilabes la bici cola pesetina del encargu, eso si, rezando pa que nun rompiera un freno o cualquier otra pieza mientres facíes diablures con ella. Porque nun dibes alquilar pa dar paseinos como una neña, y si, en medio les grandes exibiciones ciclistes, rompíes dalguna pieza ¿De onde dibes sacar tú la peseta, pa pagá-y a otru, pa nun tener que devolvéila tú al Ganso, que sabíes que te diba baldar a palos.
De los
guah.es del barrio que yeren parroquianos del taller de les bicis, salió Luis
Balagué, el gran campeón ciclista profesional del que más p’alante falaremos.
Santos
yera un home simpáticu y arteru como un esguil y pesie a les vozones que nos daba, tenía un corazón
buenu como’l pan.
© Milio´l del Nido
Memories d´unos nenos de Ciudá Naranco
Una BH,
ResponderEliminarpa que no se escache