De la
reciella, oveyes, gochos, coneyos, pites, coneyos d’Indies, solo se me vien a
la memoria una docena de pites de la raza Prat, una raza catalana que importó
mi tiu Chichi, el otru hermanu de mio madre, que taba ya casáu, y tenía una
representación de un llaboratoriu veterinariu que, n’aquellos años, col follón
de la peste aviar, ganaba bones perres vendiendo les vacunes pa salvar a les
pites de la peste. El casu ye que mio tiu, a
aquelles pites quería explótales a la moderna, sabiendo cuantos güevos
ponía cada una. Púnxoles aparte de les otres, zarraes n’una esquina del patio y
con unos niales que nun dexaven salir a la pita hasta que la soltares, pa poder
apuntar la que ponía y la que nun ponía.
Pero el casu ye que coles pites nun mercó gallu y a mí dábame pena de les pites de Prat y de los gallos de casa, los que taben coles otres pites, les sueltes, que andaben los probes gallos tol tiempu al pie de la alambrada, cortexando a les de Prat, pero en sin poder axuntase. Un día que me paeció que nun me veía naide agarré el gallu grande y echelu pa onde les pites. ¡Vaya exhibición! El gallu gallaba una, gallaba otra y otra y otra, daba la vuelta a toes, que se agachaben por orden y entamaba otra vez a dar la ronda… diba too de lo más guapo, hasta que aportó mio tiu, que casi me mata cuando vio’l putiferiu. Pensaría que aquello perxudicaba la produción, tú.
Pero el casu ye que coles pites nun mercó gallu y a mí dábame pena de les pites de Prat y de los gallos de casa, los que taben coles otres pites, les sueltes, que andaben los probes gallos tol tiempu al pie de la alambrada, cortexando a les de Prat, pero en sin poder axuntase. Un día que me paeció que nun me veía naide agarré el gallu grande y echelu pa onde les pites. ¡Vaya exhibición! El gallu gallaba una, gallaba otra y otra y otra, daba la vuelta a toes, que se agachaben por orden y entamaba otra vez a dar la ronda… diba too de lo más guapo, hasta que aportó mio tiu, que casi me mata cuando vio’l putiferiu. Pensaría que aquello perxudicaba la produción, tú.
© Milio´l del Nido
Memories d´unos nenos de Ciudá Naranco
Comentarios
Publicar un comentario
Munches gracies pol comentariu