Vecinu
que llamó l’atención de la que aportó fue Rubines. La su llegada’l barrio
dexonos fonda impresión. Un bon día, tábemos con mio güelu Chus, llindiando les
vaques no que llamábemos el Prao d’acá, que taba baxando pal Vertedorio, por
detrás del Colexu Loyola, cuando vimos llegar a un solar, bueno, meyor un
araxal que taba apegáu al nuestru prau,
un paisanu con un carretillo destartaláu, nel que llevaba un bancu de
carpinteru y una bolsona grande, como si fuere una maleta. Sin dicir ni pio,
púnxose a cavar n’aquel solar, que yera pindiu enforma, allanándolu. Mio güelu
taba segando verde y nosotros nun dexábamos de mirar pal paisano, que yera
calvu y tenía una cabezona en forma de bombilla que brillaba, pero lo que
llamaba l’atención yera la manera incansable de cavar.
Poco a
poco vimos cómo, depués d’allanar, diba faciendo una zanxa cuadrada, como pa
los cimientos de una caseta. Cuando entamaba a tapecer, sacó de la bolsona un
envoltoriu del que salió un cachu pan y un peazu que nun víamos si yera de
tocín o quesu y sentose muy tranquilu a devoralu, sin falar un res con naide,
anque, a aquelles altures, andaba tou quisque cola mosca tras la oreya
pendiente d’él. Cuando terminó la manduca, apisonó un poco el tarrén, colocó el
bancu de carpinteru y echóse a dormir embaxo, tapáu con una lona.
Siguiendo col llabor
Al otru
día, sin charrar con naide, siguió cola llabor ¡tol santu día! Pola nueche
repetía la escena del pan y el tocín. Dalguna muyer de les casines d’enfrente
fue a lleva-y dalgo de vino y comida, que el paisano agradeció casi llorando.
Les muyeres quitáben-y importancia, nun yera más que la solidaridá ente los
probes Siguió el trabayu dos o tres díes más, hasta que un día esapaeció col
carretillo. Tábemos toos en áscues, volvió al otru día col carretillo cargáu de
piedres y un sacu cemento.
Poco a poco, poles conversaciones que tenía coles muyeres de la vecindá, fuimos enterándonos que taba casáu, que tenía muyer y dos fíos y que taba faciendo una casa pa traer pa Uviéu a la familia y dir a vivir allí. Al tran tran, garrando piedres polos caminos y los descampáos, con dalgún lladriellu que y regalaba algún vecín y con un trabayu titánicu, llevantó primero una caseta, onde metió a la familia y lluego, dexando la caseta dientro, fizo una casa de planta y pisu bien aparente.
Poco a poco, poles conversaciones que tenía coles muyeres de la vecindá, fuimos enterándonos que taba casáu, que tenía muyer y dos fíos y que taba faciendo una casa pa traer pa Uviéu a la familia y dir a vivir allí. Al tran tran, garrando piedres polos caminos y los descampáos, con dalgún lladriellu que y regalaba algún vecín y con un trabayu titánicu, llevantó primero una caseta, onde metió a la familia y lluego, dexando la caseta dientro, fizo una casa de planta y pisu bien aparente.
Un héroe
Pa
nosotros, ensin dubia, Rubines fue un héroe al que almirábamos, porque yera de
almirar. Como tamién lo yera la solidarida de la xente, que, no poco que podía,
echaba una mano no que podía.
Cuando
acabo d’escribir estes llinies, entérome de la noticia de que al fiu mayor y a
un nietu acaben d’asesinalos en Trubia, onde teníen una llosuca na que curiaben
un par de caballos y un vecín aventáu, por si los caballos lu molestaben o lu
dexaven de molestar, metióyos una docena de cartuchazos que los dexó secos. Lo
que ye la vida.
© Chuso´l del Nido. Traducíu por Milio´l del Nido
Memories d´unos nenos de Ciudá Naranco
Comentarios
Publicar un comentario
Munches gracies pol comentariu